ഒരു ഗാനം

നീലനിലാവിന്റെ പാലാഴിക്കടവത്ത്
കിനാവില്‍ കുളിച്ചുഞാന്‍ വന്നനേരം
കാതരമേതോ രാഗത്തിന്‍ ശീലുകള്‍
പാടികൊതിപ്പിച്ചു ലാസ്യയായ്നീ
(നീലനിലാവിന്റെ...

നീലാംബരത്തിലെ വെള്ളിനക്ഷത്രമായ്
മിന്നിത്തിളങ്ങി നീനിന്നനേരം
ജീവിത സാഫല്യമെന്നു മോഹിച്ചു
ആലസ്യമോടെ നിന്നരികിലെത്തി
(നീലനിലാവിന്റെ...

പാതിരാപൂവിന്റെ ഉന്മത്തഗന്ധത്താല്‍
പാതി മയങ്ങി കിടന്നയെന്നേ...
മടിയില്‍കിടത്തി തലോടിയുറക്കി
ഇരുളിലേക്കെങ്ങു നടന്നുപോയ്‌ നീ
(നീലനിലാവിന്റെ...

===========മുരളിഅമ്മൂമ്മകാവ്=====

-------മോഹരാഗം--------

വീണമീട്ടുമെന്‍ രാഗകോകിലെ 
സാന്ത്വനമായ് നീവന്നു ചേരുമോ
ശ്യാമമേഘമെന്‍ ചാരെയാകവേ 
പെയ്തോഴിഞ്ഞിടാന്‍ കാത്തു നില്‍ക്കുന്നു.

മനസ്സിലാകവേ തളിര്‍ത്ത മാതളം 
വിടര്‍ത്തി നിൽക്കുന്നു നിനക്കുവേണ്ടി.
തെളിച്ചകൊമ്പിലെ പൂങ്കുയില്‍ പോലും 
പടര്‍ത്തി മധുരമായ് മോഹരാഗങ്ങള്‍.

കടമെടുത്തു ഞാന്‍ പ്രസന്നഭാവങ്ങള്‍ 
വിരിച്ചു മുന്നിലായ് ചിരിച്ചു നില്ക്കവേ 
കലര്‍ത്തി കണ്‍കളില്‍ നിറച്ചഛായത്താല്‍ 
ഉറച്ചുപോകുമീ മോഹ ചിത്രവും.

നിനവിലെപ്പോഴും നിന്‍ തുടുത്ത ഭാവങ്ങള്‍
ഏന്റെ കനവിലാകവേ വരണ്ടഭൂമിയും 
കുളിര്‍ന്ന മഴയുടെ തളിര്‍ത്ത ചില്ലയില്‍ 
കൂടുകൂട്ടുമെന്‍ ലാസ്യ ചിന്തയും.

വിവശയായി നീയരികില്‍ നില്ക്കവേ 
തരിച്ചകൈകള്‍ ഞാനടക്കി വെച്ചതും 
പിന്നെ കൊരുത്തകൈകള്‍ പിരിച്ചിടുമ്പോള്‍
പെരുത്ത കണ്ണുനീര്‍ വിതുംമ്പി വന്നതും.

പ്രണയപുഷ്പ്പമേ നിന്റെ ചുമന്നയിതളിലെ 
മധുകണമെന്നും ഏനിയ്കതോര്‍ക്കവേ 
മനസ്സില്‍നിറയുമനുഭൂതിയാലെപ്പോഴും 
അടഞ്ഞുപോകുമെന്‍ മിഴികളാകവേ.

=============മുരളീഅമ്മൂമ്മക്കാവ്===