----------കനല്‍ചിന്ത്---------
ഉരുകിതീരുകയാണിന്നെന്റെ ജന്മവും
അതിരുകള്‍തീര്‍ത്തു നീയകലെയായ് മറയവേ .
അതിരുകള്‍തീര്‍ത്തു നീയകലെയായ് മറയവേ .
വിടപറയുകയില്ല നീ യെങ്കിലും.
വിഫലമായയെൻ കനവുകള്‍ തേങ്ങുന്നു .
വിഫലമായയെൻ കനവുകള്‍ തേങ്ങുന്നു .
എത്ര! കനക വസന്തങ്ങള്‍ തീര്‍ത്തനിന്‍
കാവ്യമോഹന പ്രേമസങ്കല്‍പ്പവും .
കാവ്യമോഹന പ്രേമസങ്കല്‍പ്പവും .
നിറനിലാവിന്റെ പകുതിയില്‍ തീര്‍ത്തൊരാ...
രാസകേളീ സുന്ദരഹര്‍മ്മ്യവും .
രാസകേളീ സുന്ദരഹര്‍മ്മ്യവും .
പീലിവീശിയ മയിലുപോലെപ്പോഴും
നീ.ചുംമ്പിച്ചുണര്‍ത്തിയ മനസ്സിലെ മുകുളവും .
നീ.ചുംമ്പിച്ചുണര്‍ത്തിയ മനസ്സിലെ മുകുളവും .
അതിരുവിട്ടനിന്‍!! കനവിന്‍റെയിക്കരെ
വാടികൊഴിയുന്നത് നീയറിയുന്നുവോ...??
വാടികൊഴിയുന്നത് നീയറിയുന്നുവോ...??
പ്രിയതരമോരോ വാക്കുകള്‍ കേള്‍ക്കാനായ്
പ്രിയേ..നിന്‍പ്രാര്‍ത്ഥനചൊല്ലി ഞാന്‍ കേഴവേ .
പ്രിയേ..നിന്‍പ്രാര്‍ത്ഥനചൊല്ലി ഞാന്‍ കേഴവേ .
പ്രാണന്‍വെടിയുന്ന നിലവിളിയൊച്ചകള്‍
അകലെയല്ലാതെയശിരീരിയെപ്പോഴും .
അകലെയല്ലാതെയശിരീരിയെപ്പോഴും .
ഓര്‍മ്മകളഗ്നിയായ് തീരുന്ന ചിതയെന്റെ
ദേഹത്തെദേഹിയായ് തീര്‍ക്കുന്ന നാള്‍വരെ .
ദേഹത്തെദേഹിയായ് തീര്‍ക്കുന്ന നാള്‍വരെ .
കാരിരുമ്പിന്റെ കാഠിന്യമേറുവാന്‍
കണ്ണീരുകോരി... കനല്‍ചിന്തുമൂളും ഞാന്‍..
കണ്ണീരുകോരി... കനല്‍ചിന്തുമൂളും ഞാന്‍..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ